ಅಲ್-ಫಜ್ರ್

بِسْمِ ٱللَّهِ ٱلرَّحْمَٰنِ ٱلرَّحِيمِ…… . وَٱلْفَجْرِ . وَلَيَالٍ عَشْرٍ . وَٱلشَّفْعِ وَٱلْوَتْرِ . وَٱلَّيْلِ إِذَا يَسْرِ . هَلْ فِى ذَٰلِكَ قَسَمٌ لِّذِى حِجْرٍ . أَلَمْ تَرَ كَيْفَ فَعَلَ رَبُّكَ بِعَادٍ . إِرَمَ ذَاتِ ٱلْعِمَادِ . ٱلَّتِى لَمْ يُخْلَقْ مِثْلُهَا فِى ٱلْبِلَٰدِ . وَثَمُودَ ٱلَّذِينَ جَابُوا۟ ٱلصَّخْرَ بِٱلْوَادِ . وَفِرْعَوْنَ ذِى ٱلْأَوْتَادِ . ٱلَّذِينَ طَغَوْا۟ فِى ٱلْبِلَٰدِ . فَأَكْثَرُوا۟ فِيهَا ٱلْفَسَادَ . فَصَبَّ عَلَيْهِمْ رَبُّكَ سَوْطَ عَذَابٍ . إِنَّ رَبَّكَ لَبِٱلْمِرْصَادِ . فَأَمَّا ٱلْإِنسَٰنُ إِذَا مَا ٱبْتَلَىٰهُ رَبُّهُۥ فَأَكْرَمَهُۥ وَنَعَّمَهُۥ فَيَقُولُ رَبِّىٓ أَكْرَمَنِ . وَأَمَّآ إِذَا مَا ٱبْتَلَىٰهُ فَقَدَرَ عَلَيْهِ رِزْقَهُۥ فَيَقُولُ رَبِّىٓ أَهَٰنَنِ . كَلَّا ۖ بَل لَّا تُكْرِمُونَ ٱلْيَتِيمَ . وَلَا تَحَٰٓضُّونَ عَلَىٰ طَعَامِ ٱلْمِسْكِينِ . وَتَأْكُلُونَ ٱلتُّرَاثَ أَكْلًا لَّمًّا . وَتُحِبُّونَ ٱلْمَالَ حُبًّا جَمًّا . كَلَّآ إِذَا دُكَّتِ ٱلْأَرْضُ دَكًّا دَكًّا . وَجَآءَ رَبُّكَ وَٱلْمَلَكُ صَفًّا صَفًّا . وَجِا۟ىٓءَ يَوْمَئِذٍۭ بِجَهَنَّمَ ۚ يَوْمَئِذٍ يَتَذَكَّرُ ٱلْإِنسَٰنُ وَأَنَّىٰ لَهُ ٱلذِّكْرَىٰ . يَقُولُ يَٰلَيْتَنِى قَدَّمْتُ لِحَيَاتِى . فَيَوْمَئِذٍ لَّا يُعَذِّبُ عَذَابَهُۥٓ أَحَدٌ . وَلَا يُوثِقُ وَثَاقَهُۥٓ أَحَدٌ . يَٰٓأَيَّتُهَا ٱلنَّفْسُ ٱلْمُطْمَئِنَّةُ . ٱرْجِعِىٓ إِلَىٰ رَبِّكِ رَاضِيَةً مَّرْضِيَّة . فَٱدْخُلِى فِى عِبَٰدِى . وَٱدْخُلِى جَنَّتِى …. 

ಅಪಾರ ದಯಾಳುವೂ ಅತ್ಯಂತ ಕರುಣಾಮಯಿಯೂ ಆದ ಅಲ್ಲಾಹನ ನಾಮದೊಂದಿಗೆ (ನಾನು ಆರಂಭಿಸುವೆ)!

ಪ್ರಾತಃಕಾಲ ಮತ್ತು ದಶರಾತ್ರಿಗಳು ಸಾಕ್ಷಿ! ಸಮ-ಬೆಸಗಳು ಸಾಕ್ಷಿ! ನಿರ್ಗಮಿಸುತ್ತಿರುವ ರಾತ್ರಿಯು ಸಾಕ್ಷಿ! – ಇದರಲ್ಲಿರುವ ಪ್ರಮಾಣಗಳು ವಿವೇಕಮತಿಗಳಿಗೆ ಸಾಲದೇ? {1-5}

ಭವ್ಯ ಸ್ಥಂಬಗಳನ್ನು ನಿರ್ಮಿಸಿದ ‘ಇರಮ್’ ನವರಾದ ‘ಆದ್ ಜನಾಂಗ’ ದವರೊಡನೆ ನಿಮ್ಮ ಒಡೆಯನು ಹೇಗೆ ವ್ಯವಹರಿಸಿದನೆಂದು ನೀವು ನೋಡಲಿಲ್ಲವೇ? ಜನಾಂಗಗಳ ಪೈಕಿ ಅವರಿಗೆ ತುಲ್ಯವಾದ ಇನ್ನೊಂದು ಜನಾಂಗವು ಆ ಪ್ರದೇಶದಲ್ಲಿ ಸೃಷ್ಟಿಸಲ್ಪಟ್ಟಿರಲಿಲ್ಲ. ಕಂದರಗಳಲ್ಲಿ ಹೆಬ್ಬಂಡೆಗಳನ್ನು ಕೊರೆದು (ನಿವೇಶನಗಳನ್ನು ನಿರ್ಮಿಸಿಕೊಂಡಿದ್ದ) ‘ತಮೂದ್ ಜನಾಂಗ’ ದವರೊಂದಿಗೆ ಮತ್ತು ಮೊಳೆಗಳವನಾದ ”ಫಿರ್‍ಔನ್’ ನೊಂದಿಗೆ (ನಿಮ್ಮ ಒಡೆಯನು ಹೇಗೆ ವ್ಯವಹರಿಸಿದನೆಂದು ನೀವು ನೋಡಿಲ್ಲವೇ?) – ಅವರೆಲ್ಲರೂ ತಮ್ಮ ತಮ್ಮ ನಾಡುಗಳಲ್ಲಿ ಮಿತಿಮೀರಿದ ಅಕ್ರಮವೆಸಗಿದ್ದರು, ನಾಡಿನಲ್ಲಿ ಅನ್ಯಾಯ ಭ್ರಷ್ಟಾಚಾರಗಳು ವರ್ಧಿಸುವಂತೆ ಮಾಡಿದ್ದರು. ಹಾಗಿರುವಾಗ ನಿಮ್ಮ ಒಡೆಯನು ಅವರ ಮೇಲೆ ಘೋರ ಶಿಕ್ಷೆಯ ಚಾವಟಿ ಬೀಸಿದನು. ನಿಜವಾಗಿಯೂ ನಿಮ್ಮ ಒಡೆಯನು (ಅಕ್ರಮಿಗಳನ್ನು ಸದೆಬಡಿಯಲು) ಹೊಂಚು ಹಾಕುತ್ತಾನೆ. {6-14}

ಮನುಷ್ಯನನ್ನು ಅವನ ಒಡೆಯನು/ಪರಿಪಾಲಕನು ಗೌರವಾದರ ಮತ್ತು ಅನುಗ್ರಹಗಳನ್ನು ದಯಪಾಲಿಸಿ ಪರೀಕ್ಷೆಗೊಳಪಡಿಸಿದಾಗ, ನನ್ನ ಒಡೆಯನು ನನ್ನನ್ನು ಸನ್ಮಾನಿಸಿರುವನು ಎಂದು ಹೇಳಿಕೊಳ್ಳುವನು. ಇನ್ನು, ಅವನಿಗೊದಗಿಸುವ ಜೀವನಸೌಲಭ್ಯಗಳನ್ನು ತುಸು ಬಿಗಿಗೊಳಿಸಿ ಬಿಟ್ಟರೆ ಅಯ್ಯೋ ನನ್ನ ಒಡೆಯನು ನನ್ನನ್ನು ಅವಮಾನಿಸಿ ಬಿಟ್ಟನು ಎನ್ನುವನು. {15-16}

ಎಂದಿಗೂ ಇಲ್ಲ! ನೀವು ಅನಾಥರನ್ನು ಆದರಿಸುವುದಿಲ್ಲ; ಬಡಬಗ್ಗರಿಗೆ ಉಣಬಡಿಸುವ ಕಾರ್ಯದಲ್ಲಿ ಪರಸ್ಪರರನ್ನು ಪ್ರೋತ್ಸಾಹಿಸುವುದಿಲ್ಲ; ಸೊತ್ತನ್ನು ಅದರ ವಾರೀಸುದಾರರಿಗೆ ಕೊಡದೆ ಕಬಳಿಸಿ ನುಂಗಿ ಬಿಡುತ್ತೀರಿ. ಸಂಪತ್ತಿನ ವ್ಯಾಮೋಹದಲ್ಲಿ ಮಿತಿಮೀರಿ ಹೋಗಿದ್ದೀರಿ. {17-20}

ಖಂಡಿತ ಅಲ್ಲ! (ಲೋಕಾಂತ್ಯದ ದಿನ) ಭೂಮಿಯನ್ನು ಗುದ್ದಿ ಹುಡಿಮಾಡಲಾದಾಗ, ಸಾಲು ಸಾಲಾಗಿ ಬಂದು ನಿಲ್ಲುವ ‘ಮಲಕ್’ ಗಳ ಕೂಟದಲ್ಲಿ ನಿಮ್ಮ ಒಡೆಯನು ಪ್ರತ್ಯಕ್ಷಗೊಳ್ಳುವನು! ಅಂದು ನರಕವನ್ನೂ (ಕಣ್ಮುಂದೆ) ತರಲಾಗುವುದು! ಆ ದಿನ ಮನುಷ್ಯನು (ಎಲ್ಲವನ್ನೂ) ಅರ್ಥೈಸಿಕೊಳ್ಳುವನು, ಆದರೆ ಆಗ ಅರ್ಥೈಸಿಕೊಂಡರೇನು ಫಲ? ಓ ನನ್ನ ದೌರ್ಭಾಗ್ಯವೇ, (ಇಹಲೋಕದಲ್ಲಿರುವಾಗ ಏನಾದರೂ ಸಂಪಾದಿಸಿ) ಈ ಜೀವನಕ್ಕಾಗಿ ಮುಂಗಡವಾಗಿ ಕಳಿಸಿರುತ್ತಿದ್ದರೆ ಅದೆಷ್ಟು ಚೆನ್ನಾಗಿರುತ್ತಿತ್ತು – ಎಂದು ಅವನು ವ್ಯಥೆ ತೋಡಿಕೊಳ್ಳುವನು. ಅಂದು ಅಲ್ಲಾಹ್ ನು ಕೊಡುವಂತಹ ಶಿಕ್ಷೆಯನ್ನು ಕೊಡಲು ಯಾರಿಂದಲೂ ಆಗದು; ಅವನ ಬಂಧನಕ್ಕಿಂತ ಬಿಗಿಯಾಗಿ ಬಂಧಿಸಲು ಯಾರಿಂದಲೂ ಸಾಧ್ಯವಲ್ಲ {21-26}

[‘ಮಲಕ್’ ಗಳು ಸಜ್ಜನರ ಆತ್ಮವನ್ನು ಹಿಂಪಡೆಯುವಾಗ] ಓ ಪರಮ ಪ್ರಶಾಂತವಾದ ಸಂತೃಪ್ತ ಆತ್ಮವೇ, ನೀನಿನ್ನು ನಿನ್ನ ಒಡೆಯನ ಬಳಿಗೆ ಹಿಂದಿರುಗಿ ಬಾ, ನೀನು ಅವನ (ಸನ್ನಿಧಿಯನ್ನು) ಇಷ್ಟಪಡುತ್ತಿರುವೆ ಮತ್ತು ಅವನೂ ನಿನ್ನಿಂದ ಸಂಪೂರ್ಣ ಸಂತೃಪ್ತನಾಗಿರುವನು (ಎಂದು ಶುಭನುಡಿಯುವರು)! {27-28}

ಆಗ, ಸಜ್ಜನರಾದ ನನ್ನ ಉಪಾಸಕರ ಸಾಲಿಗೆ ಸೇರಿಕೋ; ನನ್ನ ಸ್ವರ್ಗೋದ್ಯಾನದ ಒಳಕ್ಕೆ ಪ್ರವೇಶಿಸು (ಎಂದು ಅಲ್ಲಾಹ್ ನು ಸ್ವಾಗತಿಸುವನು)! {29-30}

Advertisements

One thought on “ಅಲ್-ಫಜ್ರ್

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s